Մնա՜ս բարով ,ոսկե՛ աշուն…

<< Մնա՜ս բարով ,ոսկի՛ աշուն>> …
խորագիրն էր կրում 7֊րդ <Բ> դասարանի դասղեկ Ռ.Հարությունյանի կազմակերպած միջոցառումը , որը գրական-երաժշտական էր, բազմաժանր և բազմաբովանդակ: Ողջ բեմում տիրում էր աշնանաշունչ տրամադրությունը:
Միջոցառման սկզբում աշակերտները հանդիսատեսին պարգևեցին դեղնազօծ աշնան մեղեդայնություն, այնուհետև հումորն ու գեղեցիկ պարը իշխում էին դահլիճում: Մթնոլորտը դարձավ տերյանական՝ հագեցած մթնշաղյան մեղեդիներով, որի ներքո աշակերտներն ասմունքեցին, գովերգեցին և հրաժեշտ տվեցին ոսկեզօծ աշնանը։

Բնությունն ամեն ինչի մասին հոգ է տարել,մեզ միայն մնում է սովորել Բնությունից :

Աշունն իր անուշահամ մրգերով հյուր էր եկել և 2֊րդ <Ա>դասարանի դասվար Հ.Նիկողոսյանի աշակերտների շուրթերով։ <Մրգահանդես>֊ ին դահլիճը լցվել էր աշնան ուրախ գույներով, երգ ու պարով։

Սառը զենքը և վնասակար երևույթները

ՀՀ Կոտայքի մարզի << Նոր Հաճնի N 3 հիմնական դպրոց >> ՊՈԱԿ- ում աշակերտների հետ ոստիկանության Նաիրիի բաժնի անչափահասների գործերով և ընտանիքում բռնության կանխարգելման բաժանմունքի օպեր – լիազոր, ոստիկանության լեյտենանտ Ալիկ Գագիկի Կարինյանը և ոստիկանության Նաիրիի բաժնի անչափահասների գործերով և ընտանիքում բռնության կանխարգելման բաժանմունքի դպրոցների ավագ տեսուչ, ոստիկանության կապիտան Հարություն Բագրատի Արսենյանը անցկացրեցին հանդիպում – քննարկում << Սառը զենքը և վնասակար երևույթները>> թեմայով դպրոցի տնօրեն Ն. Վարդանյանի, զինղեկ Ա. Մկրտչյանի և տնօրենի ՄԿԱԳ տեղակալ Լ. Սարգսյանի մասնակցությամբ:
Բուռն քննարկումն անցավ փոխվստահության մթնոլորտում։

Կյանքը նման է շախմատին. ընդամենը մեկ քայլը կարող է որոշիչ լինել…

Հպարտություն և ուրախություն ենք զգում, որ մեր շատ սիրելի աշակերտները <<Երևանի հիմնադրման 2800 ամյակին նվիրված ՀՀ դպրոցականների շախմատի 13֊րդ օլիմպիադայի>> տարածաշրջանային փուլում I պատվավոր տեղը գրավեցին.
Ասրյան Անուշը — VI <<Ա>>
Ադամյան Ալեքս — VII <<Ա>>
Ալեքսանյան Սեյրան — VII <<Բ>>
Ճաղարյան Գրիգոր — VII <<Բ>>
Շնորհավորում ենք մեր սիրելի աշակերտներին՝ ցանկանալով հաղթանակ մարզային փուլում։

,, Ա ,, տառի շնորհանդես

 Նոր Հաճնի երրորդ դպրոցի 1<<Ա>> դասարանում(դասվար Մ.Գրիգորյան) <<Ա>> տառի շնորհանդես էր։
Ուսուցչուհին իր հրաշք սաների հետ բացեց Այբուբենի առաջին էջը։ <Ա> տառը ներկայացվեց աշնան գույներով, երգերով ու խաղերով։
Դասը հագեցած էր դիդակտիկ նյութերով. նկարներ, պատկերագիր տառեր, վանկային և հնչյունային գծապատկերներ։

,, Ա ,, — ,, Լեզուն ազգի հոգին է. կենդանի է այդ հոգին կենդանի է ազգը, կենսունակ է առաջինը, ուրեմն կենսունակ է և երկրորդ ,,: Վահան Տերյան

Տոնական էր առավոտը Նոր Հաճնի երրորդ դպրոցի 1<<Բ>> դասարանի փոքրիկների համար։ (Ոսուցչուհի ՝ Ն. Տաշչյան)։Նրանց հանձնել էին մաշտոցյան այբուբեն֊աշխարհի ոսկե բանալին։
Երգ ու պարով դիմավորեցին առաջնորդ <<Ա>>֊ին,երազանքներով լեցուն ,որ թևեր առնեն ու իրականություն դարձած վերադառնան։
Շնորհավո՛ր,սիրելի՛ փոքրիկ։
Թող այսուհետ ամեն առավոտդ անամպ լինի, արևառատ ու ավետաբեր, արարքդ՝ազնիվ ու արդար, ապագադ՝ առողջ ու աստվածահաճո։